Антонија после секој час излегува задоволна, вели дека ѝ се допаѓа курсот и дека е задоволна од сработеното на час. Знам дека ги користи мапите и сум видела дека ги црта. Вели дека и помогнале за тестови, а знам дека и другарки од школо и ги барале за да учат од нив. Мислам дека има и повеќе
мотив и самодоверба.

Јас не сум на часот да ја оценам работата на предавачите, но од постигнувањето кај детето, и особено тоа што радосно и возбудено се враќа дома од часот, знам дека предавачите се прекрасни. Среќна сум што ја открив Вашата школа, а задоволството се докажува и со тоа што ова ни е трета школа кај вас (напредната со постариот син, летната школа и тековната основна за помалиот.)

Подобрувањето кај Михаил го гледам во читањето и во неговата волја да чита. Една од главните причини да го запишам детето во Вашата школа беше токму тоа.

Тој за зимскиот распуст ја прочита „Зоки Поки“, и што е најважно, по секоја приказна ми го раскажуваше прочитаното, што значи дека разбира што чита! За разлика од сега, во летниот распуст колку и обиди да имавме со читањето, тоа тешко одеше, со фрустрација, негодување, концентрирање на буквите, а не на значењето на зборот.

Исто така, додека шетаме, без јас да му барам, Михаил ги чита билбордите, рекламите, што и да види, нешто што до летото беше сосема спротивно.